Лондонда жойлашган Google DeepMind сунъий интеллект лабораторияси 10 кунлик об-ҳаво бўйича дунёдаги энг аниқ маълумотларни берадиган тизим ишлаб чиқди. Модел GraphCast деб номланади.

Сентябр ойида у Ли довули Канаданинг Янги Шотландия қирғоқларига 9 кун олдин келишини башорат қилган, анъанавий прогнозлаш воситалари эса 6 кун олдин билган. Бундан ташқари, улар қуруқликка тушиш вақти ва жойи жиҳатидан камроқ аниқ бўлиб чиқди.

Иқлим тобора олдиндан айтиб бўлмайдиган бўлиб бораётган бир пайтда, табиий офатлар хавфи билан курашишни режалаштиришда ўз вақтида ва тўғри прогнозлар муҳим аҳамиятга эга бўлади.

Об-ҳавони башорат қилишнинг анъанавий усуллари мураккаб физик тенгламаларга таянади, улар суперкомпютерлар томонидан қайта ишланган алгоритмларга айлантирилади. Бу махсус билим ва катта ҳисоблаш ресурсларини талаб қиладиган машаққатли жараёндир. GraphCast модели машинани ўрганиш алгоритмлари ва график нейрон тармоқларини бирлаштириш орқали ишни осонлаштиради.