Американинг OpenAI компанияси ўзининг генератив сунъий интеллект тизими ChatGPT учун катта янгиланиш чиқарилишини эълон қилди. Расмий блогда хабар қилинганидек, компания ChatGPT да янги овозли ва график имкониятларни жорий қилишни бошлади, бу овозли оддий суҳбатни ўтказиш ёки ChatGPTга нима ҳақида гапираётганингизни кўрсатиш имконини беради.

Оддий қилиб айтганда, ChatGPT фойдаланувчиларнинг овозли сўровларини "тушуниш", уларга "баланд овозда" жавоб бериш, шунингдек, фойдаланувчи томонидан кўрсатилган тасвирларни таниб олишни ўрганди. Чатбот овоз чиқариб диалог ўтказиши, ухлашдан олдин ҳикоя айтиб бериши ёки  музлатгичдаги масалиқлардан нимани тайёрлаш мумкинлигини тушуниши ва тушунтириши мумкин. Танлаш учун 5 та овозли актёрлик варианти мавжуд 2 та эркак овози, 2 та аёл ва битта нейтрал.

Инновацияларни жорий этиш аллақачон бошланган. Овозли алоқа ва тасвирни аниқлашни қўллаб-қувватлаш Plus ва Enterprise обуналари фойдаланувчилари учун икки ҳафта давомида босқичма-босқич тақдим этилади. Овоз iOS ва Android учун иловаларда пайдо бўлади (созламаларда фаоллаштиришни талаб қилади), тасвирни аниқлаш эса барча платформаларда пайдо бўлади.