GTA VI’нинг бош қаҳрамонларидан бири серия тарихида биринчи марта аёл бўлади
Grand Theft Auto ўйинининг олтинчи қисмида серия тарихида биринчи марта бош қаҳрамонлардан бири аёл бўлади. Бу ҳақда Bloomberg ўз манбаларига таяниб хабар берди. Шу билан бирга, иккита асосий қаҳрамон бўлади ва ҳикоя чизиғи Бонни ва Клайд талончиларининг ҳикоясига асосланган.
Aгентлик маълумотларига кўра, ишлаб чиқувчилар ҳозирда «маргиналлашган гуруҳлардаги одамларни салбий нуқтаи назардан фош қилмасликка» ҳаракат қилмоқда. Ўйин Маями шаҳрининг хаёлий версиясида бўлиб ўтади, аммо Rockstar ишлаб чиқувчилари ўйинни янги миссиялар ва жойлар билан доимий равишда янгилашни режалаштирмоқда. Bloomberg билан суҳбатлашган манбалар компания ўйинни қачон расман чиқаришни режалаштираётганини билишмайди. Уларнинг фикрича, у камида икки йил ичида чиқарилиши мумкин. Эслатиб ўтамиз, Rockstar Games февраль ойида GTA VI фаол ривожланиши бошланганини эълон қилган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter