Яндекс «Алиса»  овозли ёрдамчисига функция қўшди, унинг ёрдамида эслатма ўрнатишингиз, сайтдаги матнни овоз чиқариб ўқиш ва дастур опцияларига тезкор кириш ҳуқуқини беришингиз мумкин.

Овозли ўқиш функцияси «Алиса, прочитай страницу» буйруғи билан фаоллаштирилади. «Алиса»  тез-тез ишлатиладиган функцияларга ҳам тезкор кириш имкониятига эга, масалан, «Алиса»  ойнасида мусиқа тинглаш ва севимли трекларингизни алмаштиришингиз мумкин.

Бундан ташқари, ишлаб чиқувчилар овозли ёрдамчининг интерфейси ўзгарганини таъкидламоқда. Энди у турли контентга мослаша олади ва смартфон экранида кўпроқ жой қолдиради. «Алиса» ойнасидан ассистент билан чатга ёки ақлли камерага ўтишингиз мумкин.

«Алиса ажралмас шахсий ёрдамчига айланиб бормоқда - миллионлаб фойдаланувчилар унга ҳар куни Яндекс мобиль иловаларида ёрдам сўраб мурожаат қилишади. Бу ақлли камера ёрдамида маълумот топиш, ҳужжатларни таржима қилиш ва йўлда янги нарсаларни ўрганишга ёрдам беради. Алиса билан суҳбатлашиш жуда ёқимли», – дейди Яндекс ва Яндекс браузер раҳбари Дмитрий Тимко.