Жаҳоннинг аксарият йирик мобил алоқа бозорлари (мамлакатлари)даги 5G-тармоқларнинг ўртача тезлиги ва уларда қайси смартфонлар энг тез ишлаши ўрганилди.

“Совринли” ўринларнинг кўпини Apple чиқарган энг сўнгги русумдаги қурилмалар эгаллади. Хусусан, АҚШда энг юқори 5G-тезликни iPhone 15 Pro Max (юклаш ўртача тезлиги — 285,02 Мбит/с) кўрсатди. Канада, Германия ва Буюк Британияда ҳам ушбу смартфон тезлик бобида тенгсиз деб топилди: тегишли равишда — 217,35, 191,11 ва 150,79 Мбит/с.

Жанубий Кореяда рейтинг пешқадамлиги iPhone 14 Pro (594,49 Мбит/с)га насиб этди, Бразилияда эса оддий iPhone 15 — биринчи ўринда (533,32 Мбит/с).

Кутилмаган истисно Филиппин бўлди — бу мамлакатда биринчи ўринга 140,20 Мбит/с тезлик билан Samsung Galaxy Z Fold 5 кўтарилди. Яна айрим минтақаларда ушбу букланувчи смартфон етакчи бешликка кирди.

Ookla (Speedtest сервиси)нинг 5G-интернет тезлиги бўйича тўлиқ ҳисоботи (2023 йил 3-чораги) билан компаниянинг расмий сайтида танишишингиз мумкин.