Википедия биргина овоз учун 2500 доллар тўлади
Энг йирик онлайн кутубхона ўзининг овозли логотипини тақдим этди. Бунинг учун Википедияда мусобақа уюштирилди, унда одамлар дунёнинг барча билимлари қандай эшитилишини тасаввур қилишлари керак эди.
"Барча инсоният билимлари овози" танлови 2022 йил сентябрь ойида бошланган. Шу вақт ичида компанияга дунёнинг 135 мамлакатидан 2094 иштирокчидан 3235 та ариза келиб тушган. Ғолиб деб топилган аризани АҚШдан ядро муҳандиси ва мусиқа продюсери Таддеус Осборн тақдим этди.
"Менинг овозли логотипимда қоғоз шитирлаши товушлари клавиатура тугмачаларини босганда чиқадиган овозга айланади. Мен очиқ билим манбаи бўлган Википедияни шундай қабул қиламан", дейди у.
Компания энди бу овозни профессионал студияда қайта ёзиб олиш кераклигини айтди. Танлов ғолиби эса 2500 доллар мукофот пули олади. Энди бу товуш келажакда Википедия рекламаларида ишлатилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter