Тез орада ўша машҳур GTA ўйинининг янги қисми чиқади
Grand Theft Auto сериясининг нашриётчиси ҳисобланган Take-Two компанияси сериянинг янги қисми яқинда чиқишига ишора қилди. Бу ҳақда Insider нашри хабар бермоқда.
Aмерика корпорациясининг молиявий ҳисобот пайтида эълон қилинган баёнотида, 2025 молия йилида компания бир нечта янги ўйинларни чиқариши таъкидланган. "Улар сифат ва муваффақият учун янги стандартларни ўрнатади ва бизга 8 миллиард доллардан ортиқ соф буюртмаларни таъминлаш имконини беради",– деди Take-Two.
Insider медиа экспертларининг фикрича, 2025 молия йили 2024 йилда бошланади. Шундай қилиб, келгуси йилда GTA серияси яратувчилари франчайзинг янги қисмини чиқариши мумкин, деб тахмин қилиш мумкин.
Take-Two эълонидан сўнг компания акциялари 13 фоизга ошиб, ҳар бир акция учун 138 долларни ташкил қилди. JPMorgan таҳлилчиларининг фикрича, улар инновацион ўйинлардан бири Rockstar Games томонидан чиқариладиган GTA 6 бўлишига шубҳа қилишмайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter