Soraдан яхши келин чиқармикин?
Эндиликда ChatGPTнинг пуллик обунасига эга бўлган барча фойдаланувчилар Soraни бемалол келин қилишлари мумкин. Чунки OpenAI уни расман тақдим этди.
Хўш, Soraхоннинг қўлидан нималар келади?
У бир оғиз сўзингизга хўп бўлади деб, исталган турдаги видеоларни ясаб беради.
Шунчаки унга мулойимлик билан матн орқали мурожаат қилсангиз бас, гап қайтармайди.
Сорахон фақат одатий юмушлар билан чегараланиб қолмай деб, монтажни ҳам бинойидек ўрганиб олган.
Шунинг учун у бир нечта видеоларингизни кетма-кетликда бирлаштириб ёки аралаштириб ҳам беради.
Ўқимишли келиннинг шуниси яхшида, у исталган суратларингизни видеога айлантириб беришни ҳам дўндиради.
Бир сўз билан айтганда, OpenAIнинг сўзини икки қилмаган, ChatGPTнинг кўзига тик боқмаган Soraхоннинг қўлидан чой ичмоқчи бўлганлар, xabar.uz Telegram саҳифасига совчиликка келаверасиз.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter