Футуролог сунъий интеллект опциялари ёрдамида "гапирувчи" кийим ва тақиладиган технологиялар ривожланишини башорат қилди.

Daily Mail  нашри олим ва футуролог Эндрю Гриллнинг башоратини эълон қилди. Мутахассис 5G SA ривожланиши, янги қурилмалар ва келажак модаси ҳақида фикр юритди.

Гриллнинг сўзларига кўра, атиги беш йилдан сўнг британиялик ўсмирлар сунъий интеллект технологияси билан бошдан-оёқ қопланади. Улар энди оддий ақлли соатлар ва фитнес-трекерлар тақмайдилар. Гап том маънода ҳамма нарсага, шу жумладан кийим ва пойабзалга ўрнатилган ихчам чиплар ҳақида кетмоқда.

Футуролог бундай чипларни Apple 2021 йилда тақдим этган AirTag билан солиштиради. Улар кичик - танга ҳажмида бўлади ва умумий тармоққа бирлаша олади, эгаси ҳақида маълумот тўплайди.

Чиплар эгасининг индивидуал услуби, унинг афзалликлари, бюджети ва турмуш тарзи ҳақидаги маълумотларни сақлайди. Улар келажакдаги харидлар учун нарсаларни тавсия қилишни бошлайдилар. Улардан фойдаланиш ҳаётнинг барча соҳаларига таъсир қилади, хоҳ чакана савдо, ўйин-кулги ва спорт бўлсин. Тўғри, паст кечикиш ва юқори уланиш тезлигига эга 5G SA  тармоқларини кенг тарқатмасдан туриб, бундай технологияларни ишлаб чиқиш мумкин бўлмайди.