Samsung сериядаги энг катта экранга эга планшетларини тақдим этди
Samsung Electronics компанияси Galaxy Tab А9 планшетларининг янги сериясини тақдим этди. Янги маҳсулотлар Galaxy А сериясидаги энг катта экранлар билан жиҳозланган: Galaxy Tab A9 дисплей диагонали 8,7 дюйм, Galaxy Tab A9+ эса 11 дюймли диагоналга эга.
Galaxy Tab А9 экрани 1340 х 800 пиксел, томонлар нисбати 5:3 ва янгиланиш тезлиги 60 Гц.га тенг. Galaxy Tab А9+ учун бу кўрсаткичлар мос равишда 1920×1200, 16:10 ва 90 Гтс.
Планшетлар саккиз ядроли процессорга асосланган, қурилмаларнинг оператив хотираси ҳажми 4 ёки 8 ГБ, флеш-хотира ҳажми 64/128 ГБ. 1 ТБ гача бўлган microSD хотира карталари учун слот ҳам мавжуд.
Маълум қилинишича, планшетларни баъзи мамлакатларда учта рангда: графит, кумуш ва тўқ кўк рангда харид қилиш мумкин. Қурилмаларнинг нархи кейинроқ эълон қилинади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter