Россиялик олимлар фазали ўтиш ва сирт ўсишини ўрганиш учун кенг қўлланиладиган ҳисоблаш физикаси усулларини қўллаш орқали уяли тармоқларнинг иш фаолиятини яхшилаш йўлини топдилар. Олий Иқтисодиёт мактаби тадқиқотчилари ушбу усул тармоқ ёмон ишлай бошлаши мумкин бўлган муҳим дақиқаларни аниқ башорат қилиш имконини беришини аниқладилар.

Янги ёндашув доцент Лилия Жукова ва Ҳисоблаш физикаси лабораторияси раҳбари Лев Шчур томонидан ишлаб чиқилган. Улар жараённи параллел ишлов бериш учун кўплаб қуйи тизимларга бўлиб, параллел дискрет ҳодисаларни моделлаштириш (ПМДС) техникасидан фойдаланишди, дея хабар беради университет матбуот хизмати.

Тадқиқотлар шуни кўрсатдики, физик усуллар мумкин бўлган алоқа узилишлари ва таянч станцияларда юк ўзгаришини тез ва аниқ аниқлаш имконини беради. фОлимлар уларнинг техникаси мобил тармоқларни режалаштириш ва бошқариш, уларнинг иш фаолиятини яхшилаш ва носозликларнинг олдини олиш учун янада самарали воситаларни яратишга ёрдам беради, деб умид қилмоқда.