Хитой Фан ва Технология Университети (USTC) одатда ўнлаб олимлар бажарадиган ишларни бажара оладиган робот-кимёгарни яратди. Люк исмли бу робот Марс каби экстремал муҳитда ишлай олади ва аллақачон илмий тадқиқотларни сезиларли даражада илгари сурган.

Люк иккита робот қўл, визуал тизим ва сунъий интеллект платформаси билан жиҳозланган. У танаффусларсиз ишлаш ва фақат керак бўлганда дам олиш, суюқликларни аралаштириш ва майдалаш каби тажрибаларни юқори аниқлик билан бажаришга қодир.

Люкнинг ўрганиш қобилияти айниқса таъсирли. У икки ҳафтада 50 000 та илмий мақолани ўрганиши ва олти ҳафта ичида 3,76 миллион формулани текшириши мумкин, дея қайд этди олимлар.

Робот аллақачон Марс метеоритларидан кислород ишлаб чиқариш учун катализаторлар яратиш каби муҳим муваффақиятларга эришди - бу Марсда узоқ муддатли инсон яшаши учун шароит яратиш йўлидаги қадам. Бундан ташқари, Люк валюталарни қалбакилаштиришдан ҳимоя қилиш ва кўмирни нефтга самарали айлантириш технологиялари устида ишламоқда.