Жаҳон соғлиқни сақлаш ташкилоти сунъий интеллектга асосланган тиббий технологияларни жорий этиш даромади паст мамлакатлар аҳолиси учун хавфли бўлиши мумкинлигидан огоҳлантирди. ЖССТ технология компаниялари хавфли ва самарасиз тиббий асбобларни чиқариши мумкинлигидан хавотир билдирди. Ҳисоботда ишлаб чиқувчилар учун ахлоқий тренинглар ва мултимодал моделлар чиқарилгандан кейин мажбурий мустақил кўриб чиқиш зарурлиги таъкидланган.

ЖССТ ушбу кучли воситалардан фойдаланишни фақат технологик компанияларнинг ихтиёрига бериб қўймаслик кераклиги ҳақида огоҳлантиради. Барча мамлакатлар ҳукуматлари сунъий интеллект технологияларини ишлаб чиқиш ва улардан фойдаланишни самарали тартибга солиш бўйича саъй-ҳаракатларни биргаликда олиб боришлари керак. Фуқаролик жамияти ва тиббий ёрдам олувчи одамлар янги технологиялар ишлаб чиқиш ва жорий этишнинг барча босқичларида, шу жумладан уларни назорат қилиш ва тартибга солишда ўз ҳиссасини қўшиши керак.

Йирик компаниялар сунъий интеллектни тадқиқ қилишда университетларни ҳам, ҳукуматларни ҳам сиқиб чиқараётгани, мисли кўрилмаган кўп сонли олимлар ва ўқитувчилар академиясини саноатга ташлаб кетаётгани ҳақида далиллар мавжуд.

Соғлиқни сақлаш ва тадқиқот учун кучли мултимодал моделларни яратувчи ишлаб чиқувчилар тиббий ходимлар билан таққосланадиган ахлоқий таълим олишлари керак. Шунингдек, ҳукуматлар салбий натижаларни нашр этишни рағбатлантириш ва нашрларда нохолислик ва шов-шувнинг олдини олиш учун ишлаб чиқувчилардан дастлабки алгоритмларни рўйхатдан ўтказишни талаб қилиши мумкинлиги қайд этилган.