Aгентликнинг таъкидлашича, Tesla компанияси томонидан янгиланган дастурий таъминот автомобиль ҳайдаш вақтида ўйин ўйнаш функциясини ўчириб қўйиши ҳақида маълум қилган.

Илон Маскнинг автомобиль фирмаси бу хусусият хавфли эканлиги ҳақида танқидларга учраган эди.The New York Times нашрининг хабар беришича, Tesla AҚШ  Миллий  йўл ҳаракати хавфсизлиги бошқармаси билан бевосита боғланган.

“Passenger Play энди транспорт воситаси ҳаракатланаётганда қулфланади ва ундан фойдаланиб бўлмайди”, — деди агентлик ОАВ ларига берган баёнотида.

Аммо Tesla компаниясининг ўзи бу борада ҳеч қандай расмий маълумот бермади.AҚШ  Миллий  йўл ҳаракати хавфсизлиги бошқармаси шу ҳафта бошида ўтказган рейд натижаларига кўра, Passenger Play ҳайдовчини чалғитиши ва ҳалокат хавфини ошириши мумкинлигини айтди.Агар автомобилнинг сенсорли экранида ўйин ўйнаётган шахснинг йўловчи эканлиги тасдиқланса ва ҳайдовчи ундан фойдаланмаса машинада бемалол ўйин ўйнаш мумкин.

Дастлаб бу функциядан фақат машина ҳаракатсиз ҳолатда турганида фойдаланиш мумкин эди, бироқ 2020 йил декабрь ойида автомобиль ҳаракатланаётганда ўйин ўйнашга рухсат берилган эди.Автомобиль бошқараётганда ўйин ўйнаш оқибатидаги ўзгаришларни Tesla компаниясининграҳбари Винс Паттон пайқади ва у AҚШ Миллий йўл ҳаракати хавфсизлиги бошқармасига шикоят қилиб, буни "эҳтиётсиз ва бепарволик" деб таърифлади.

AҚШ Миллий йўл ҳаракати хавфсизлиги бошқармаси ҳам Passenger Play ҳайдовчини чалғитиши ва авария хавфини ошириши мумкинлигини таъкидлади.Унинг кўрсатмаларида айтилишича, автомобиль ичидаги қурилмалар ҳайдовчи томонидан машина ҳайдаш вақтида чалғитувчи иккинчи даражали вазифаларни бажаришда фойдалана олмаслиги учун ўчирилиши керак.