Лондон Империал коллежи ҳисоботига кўра, Буюк Британия электр энергиясининг учдан бир қисми жорий йилнинг дастлабки уч ойида шамол станцияларидан келган. Шамол энергияси биринчи марта мамлакатда электр энергиясининг асосий манбаига айланди.

Империал коллежининг энергетика бўйича тадқиқотчиси ва ҳисоботнинг етакчи муаллифи Иан Стаффелл шундай дейди: "Тарихда биринчи марта газ шамол турбиналарига қараганда камроқ энергия берди".

Шамол энергиясидан ташқари қуёш энергияси ҳам долзарблашди. 2023 йилнинг биринчи чорагида Буюк Британиядаги электр энергиясининг 42 фоизи қайта тикланадиган манбалардан, 33 фоизи эса газ ва кўмир каби қазиб олинадиган ёқилғилардан олинган.

Буюк Британия 2035 йилгача углерод чиқиндиларини нолга тенглаштиришни мақсад қилган. Экологларнинг таъкидлашича, қайта тикланадиган энергия манбаларига ўтиш иқлим ўзгариши оқибатларини чеклаш учун жуда муҳимдир.

Аммо мамлакатда шамол турбиналарини ўрнатишга чекловлар мавжуд. Декабрь ойида Буюк Британия Бош вазири Риши Сунак қайта тикланадиган энергияни ривожлантириш учун ушбу чекловларни юмшатиш режаларини эълон қилди.