Аввал хабар берганимиздек, баҳорнинг сўнгги куни, яъни бугун, 31 май санасида Vivo компанияси ўрта тоифага кирувчи Vivo S17 смартфонларини тақдим этди.

Учта модел тақдим этилди: S17, S17t ва S17 Pro.

Барча смартфонлар бир хил корпусда чиқди, фарқи процессорлари ва камераларида.

Умумий жиҳатлар

Ҳар уч смартфон — селфифон: 50 мегапикселли фронтал камералар ва қўшалоқ чақин билан таъминланган.

Смартфонлар 4600 мАс аккумляторлардан қувват олади, 80 Вт қувватлаш технологиясига эга, NFC, бармоқ изи сканери экран остида яширинган.

Дисплей — 6,78 дюймли AMOLED BOE Q9 “шаршара-экран” (120 Гц, кенглик-импулс модуляцияси — 2160 Гц).

Корпус — пластикдан тайёрланган, орт панели инновацион жилоланувчи тасвирли шиша билан қопланган, ҳалқа кўринишидаги чақинлар 22 фоизга катталашди ва туркумнинг олдинги смартфонларига қараганда 36 фоиз ёрқинроқ.

Фарқлар

Процессор: Vivo S17да Snapdragon 778G+, S17t ва S17 Proда эса тегишли равишда Dimensity 8050 (Dimensity 1200) ва Dimensity 8200 ўрнатилган.

Компания ниҳоят 2 Мп камералардан воз кечди, S17 ва S17t да 50 Мп асосий модул OIS (S17 — GN5, S17t  —  IMX766) ва 8 Мп кенг бурчакли камера ишлатилган.

Катта Vivo S17 Pro да S17t даги хусусиятларга қўшимча тарзда қўшимча 12 Мп портрет-камераси ва 2 карра зум бор (худди Vivo X90 даги каби). Яна бир афзаллиги — суратларда оқ балансни яхшиловчи кенг спектрли сенсор ўрнатилган.

Vivo S17 ва S17 Pro сотуви Хитойда 8 июнда бошланади.

НАРХЛАРИ:

Vivo S17:

• 8/256 Гб — 2499 юан ($350 атрофида)
• 12/256 Гб — 2799 юан ($390 атрофида)
• 12/512 Гб — 2999 юан ($420 атрофида).

Vivo S17 Pro:

• 8/256 Гб — 3099 юан ($435 атрофида)
• 12/256 Гб — 3299 юан ($465 атрофида)
• 12/512 Гб — 3499 юан ($490 атрофида).

Vivo S17t смартфони сотувга чиқариладиган сана ва нархлари номаълум сабабларга кўра, эълон қилинмади.

Смартфонлар қайси рангларда бўлиши қуйидаги фотосуратларда.