Mobiuz мобил оператори Марказий Осиё ахборот технологиялари соҳасидаги энг йирик тадбирлардан бири – ICTWeek 2024 ҳафталигининг анъанавий иштирокчиси ҳисобланади. Унинг доирасида ўтказилган ICT Expo кўргазмаси илғор ечимларни намойиш этиш ва соҳа иштирокчилари ўртасида тажриба алмашиш учун ноёб платформадир.

Mobiuz ўз стендида янги 5G Calling ва VoWiFi технологияларини намойиш этди.

5G Calling – бу интерактив қўнғироқлар. У бевосита қўнғироқ пайтида интерактив интерфейсдан фойдаланиш имкониятини беради. Ушбу технология меҳмонхоналарга олдиндан буюртма бериш мисолида намойиш этилди, унинг ёрдамида қандай қилиб бир дақиқада дунёнинг исталган меҳмонхонасида хонани олдиндан банд қилиш мумкинлиги кўрсатилди. Хизмат имкониятлари чекланмаган ва уни бизнеснинг ҳар қандай соҳасида фойдаланиш учун мослаштириш мумкин.

Mobiuzнинг бу йилги асосий янгилиги VoWiFi бўлиб, у оператор томонидан жорий йилнинг 24 августида илк бор тижорат мақсадида ишга туширилган.

Шунингдек, Mobiuz стендининг алоҳида кўнгилочар зонасида MobiGames (мобил ўйинлар), MobiCinema (телевидениева кино), MobiMusic (мусиқа) каби маҳсулотлар ва хизматлар экотизими тақдим этилди.