Microsoft принтерлар ва сканерларни қўллаб-қувватлаш билан боғлиқ муаммолар туфайли ARM-компьютерларини Windows 11 24H2 га янгилашни тўхтатди
Муаммо симсиз ва USB сканер драйверлари учун ишлатиладиган eSCL протоколи билан боғлиқ. Компания қурилмаларнинг eSCL режимидан USB режимига ўтмаслигини тасдиқлади, бу эса драйверларнинг тўғри ишлашига ва қурилмаларни улашнинг аниқланишига тўсқинлик қилади.
Хато eSCL протоколини қўллаб-қувватлайдиган кўп функцияли қурилмалар ва сканерларга таъсир қилади.
Фойдаланувчи тажрибасини ёмонлаштирмаслик учун Microsoft бундай қурилмалар уланган компютерлар учун янгиланишни вақтинча блоклади. Шунга ўхшаш тақиқ илгари баъзи Ubisoft ўйинлари билан ишлайдиган шахсий компютерларга таъсир кўрсатди.
Ҳозирча ҳеч қандай тузатиш эълон қилинмаган ва Microsoft АйТИ маъмурларига муаммони Windows Update ID 54762729 орқали кузатишни маслаҳат беради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter