Андроид қурилмалар учун Xabar.uz мобил иловаси. Юклаб олиш ×

Apple тақдимоти қандай ўтди? (+видео)

Apple тақдимоти қандай ўтди? (+видео)

Фото: Habr.com

Apple компанияси 12 сентябр куни узоқ кутилган тақдимотини ўтказди.

Кузги тақдимотда компаниянинг турли йўналишлардаги флагманлари — iPhone 15, iPhone 15 Plus, iPhone 15 Pro ва iPhone 15 Pro Max смартфонлари, Watch Series 9, Watch Ultra 2 ақлли соатлари, AirPods Pro қулоқчинлари намойиш этилди. 

Смартфонлар туркумининг базавий (энг оддий) талқини — iPhone 15 6,1 дюймли OLED-дисплей (Super Retina XDR) билан таъминланган бўлса, iPhone 15 Plus бирмунча катта 6,7 дюймли экрани билан ажралиб туради. Ҳар икки смартфондаги экранлар олдинги айфонларникига нисбатан ёрқинроқ бўлиб, Dolby Vision ва HDR10 қўлланилган.

Нархлар:

  • iPhone 15 — $799
  • iPhone 15 Plus — $899.

iPhone 15 Pro модели 6,1 дюймли, iPhone Pro Max эса 6,7 дюймли экранга эга. Иккала смартфон ҳам А17 Pro чипи билан жиҳозланган бўлиб, тез ишлашни таъминлаб беради.

Иккала телефонда Lightнинг ўрнини USB-C порти эгаллади. Pro 10 Гбит/с маълумотларни узатиш тезлигини қўллаб-қувватлайди, бу эса фотосуратлар ва видеоларни юборишни анча осонлаштиради.

Чап томонидаги овозсиз калит ўрнини босувчи ҳаракат тугмаси ёрлиқларни ишга тушириш, қулайлик функцияларини очиш, камерани очиш, чироқни ёқиш ва бошқалар учун мослаштирилиши мумкин. Смартфон нофаол режимда бўлса, экранда интерактив виджетлар, овозли почта ва бошқалар кўрсатилади.

Смартфон камералари 48 МП асосий модул, янгиланган портрет суратга олиш имконияти ва яхшиланган тунги режим олди. Янги қурилмалар оқ, қора, кўк рангларда чиқарилади.

Нархлар:

  • iPhone 15 Pro — $999 (128 Гб)
  • iPhone 15 Pro Max — $1199 (256 Гб).

Буюртмаларни 15 сентябрдан эътиборан бериш мумкин. 

Тақдим этилган янги Watch Series 9 ақлли соати олдинги версиядан 50 фоиз тезроқ ишлайдиган SiP S9 процессорини ва янги U2 чипини олди. Соат AirTagга ўхшаш iPhone қидирув функциясини ҳам қўшди. 

Apple Watch Series 9 дисплейи 2000 нит ёрқинликка эга, бу аввалги авлоддан икки баравар ёрқинроқ. Тунги режим керак бўлганда, масалан, батареяни тежаш учун ёрқинликни атиги 1 нитгача камайтириш имконини беради.

Double Tap  ёрдамида дисплейга тегмасдан бир қўл билан ишлаш имконияти тақдим этилган. Яъни, бир қўл билан қўнғироқларга жавоб бериш, саҳифаларни очиш мумкин.

Бу соат овозли буйруқларни яхшироқ танийди.  Siri  энди Health иловаси билан ишлайди. Робот котибадан таблеткаларни қачон ичиш, қандай ухлаганингиз, вазнингиз қанчалиги ва ҳоказоларни сўрашингиз мумкин. Ҳозирча у фақат инглиз ва хитой тилларини билади.

Гаджетларни бир-бирига яқин тутиб, бошқа соат эгаси билан алоқа маълумотларини алмашиш имконини берувчи Name Dropни ҳам қўллаб-қувватлайди.

Бу компаниянинг биринчи тўлиқ углеродли нейтрал маҳсулотидир. Компания ўзининг янги соатларининг экологик тозалигига катта эътибор қаратди. Биринчидан, у тасма учун чармдан воз кечди - энди барча Apple Watch тасмалари қайта ишланган материаллардан тайёрланган.

Apple Watch Series 9 бешта рангда тақдим этилади: қора, тилла ранг, кумуш ранг, қизил, пушти. Нархи 399 доллардан бошланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг