“Izvestiya” nashri YouTube videoxosting xizmati bilan bog‘liq muammolar fonida firibgarlar faollashayotgani haqida xabar berdi. IT xavfsizligi bo‘yicha mutaxassislar jurnalistlarga pul va foydalanuvchi hisoblarini o‘g‘irlash uchun qanday sxemalar ko‘proq qo‘llanilishini aytib berishdi.

Manbaga ko‘ra, firibgarlikning eng keng tarqalgan turlaridan biri bu “tezlatgichlar” videoxosting niqobi ostida zararli ilovalarni nashr etishdir. Ba’zida jabrlanuvchiga dasturiy ta’minotning o‘zi taklif qilinmaydi, balki uni yuklab olish mumkin bo‘lgan fishing saytiga havola yuvoriladi. Bu holda, hisob ma’lumotlarini kiritgandan so‘ng hisobni "o‘g‘irlash" xavfi mavjud. Shubhali havolalarni oshkor qilmaslik uchun ular ba’zan QR kodlari ko‘rinishida nashr etiladi.

Boshqa sxema mashhur bloggerlar yoki tashkilotlarning akkauntlari sifatida yashiringan soxta kanallardan foydalanadi. Ular investitsiyalar yoki lotereyalarni taklif qiluvchi firibgar videolarni nashr etadilar, unda ishtirok etish uchun siz pul yuborishingiz yoki hisobingiz ma’lumotlarini kiritishingiz kerak. Ba’zi hollarda zararli havolalar shubha uyg‘otmaslik uchun go‘yoki tasodifiy tomoshabin nomidan izohlarda joylashtiriladi.

"Izvestiya" ning telekommunikatsiya sohasidagi manbasining ta’kidlashicha, bugungi kunda platformadagi bunday nashrlar soni oyiga 300 tagacha va ko‘payishda davom etmoqda.