Endi TikTokda video va translyasiyalarni birgalikda tomosha qilish uchun guruh suhbatlari mavjud
TikTokda yangi xususiyat paydo bo‘ldi - video va translyasiyalarni birgalikda tomosha qilish uchun guruh suhbatlari.
Endi foydalanuvchilar 32 kishigacha bo‘lgan guruhlarda real vaqt rejimida kontentni baham ko‘rishlari, sharhlashlari va ularga munosabat bildirishlari mumkin bo‘ladi.
Bu xususiyat 16 yoshdan oshgan barcha foydalanuvchilar uchun mavjud, ammo o‘smirlar uchun qo‘shimcha xavfsizlik choralari qo‘llaniladi.
Guruh suhbatini yaratish uchun siz xabarlar bo‘limidagi "Chat" yorlig‘i orqali yoki to‘g‘ridan-to‘g‘ri videodan "Ulashish" tugmasini bosish orqali do‘stlaringizni tanlashingiz mumkin. Shuni ta’kidlash kerakki, siz faqat platformadagi "do‘stlaringiz" bo‘lgan odamlarni chatga qo‘shishingiz mumkin, ya’ni ikkala foydalanuvchi ham bir-birini kuzatishi kerak.
TikTok shaxsiy va guruh chatlariga stikerlar yuborish imkoniyatini ham qo‘shdi. 18 yoshdan oshgan foydalanuvchilar o‘zlarining stikerlarini yuklashlari yoki umumiy stikerlardan foydalanishlari mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter