Samsung 2023 yilni bolalar uchun arzon qurilmalar e’lon qilish bilan yakunlashga qaror qildi - brend Galaxy Tab A9 Kids Edition va Galaxy Tab A9+ Kids Edition planshetlarini chiqardi.

Galaxy Tab A9 Kids Edition 8,7 dyuymli LCD-displey (IPS) HD+ piksellar soniga va 60 Gs yangilanish tezligiga ega. Planshet 4/8 GB operativ xotira va 64/128 GB ichki xotiraga ega, microSD karta yordamida 1 TBgacha kengaytiriladigan bir nechta konfiguratsiyalarda mavjud.

MediaTek Helio G99 chipi bilan ishlaydi. Bundan tashqari, qurilma zarbaga chidamli maxsus korpus, Samsung Kids rejimi, 8 MP asosiy kamera, 2 MP old kamera, stereodinamiklar va 5100 mA/soat akkumulyatorga ega.

Galaxy Tab A9+ Kids Edition esa kattaroq - 11 dyuymli LCD-ekran (IPS)ga ega bo‘lib, Full HD+ piksellar soniga va silliqroq 90 Gs yangilanish tezligiga ega. Ushbu model 4 GB yoki 8 GB operativ xotira va 64 GB yoki 128 GB ichki xotiraga ega, microSD karta uyasi orqali 1 TBgacha kengaytiriladigan versiyalarda ham taqdim etiladi.

Snapdragon 695 chipi bilan jihozlangan. Kichik modeldan boshqa farqlar orasida to‘rtta dinamik va 7040 mA/soat sig‘imli akkumulyator mavjud.

Galaxy Tab A9 Kids Edition narxi 212 dollardan, Galaxy Tab A9+ Kids Edition esa 321 dollardan boshlanadi.