Samsung taom tayyorlashning turli jihatlarini qamrab oluvchi Food ilovasini ishga tushirdi. U kompaniya bir necha yil oldin sotib olgan Whisk oziq-ovqat bazasiga asoslangan. Ilovada 8 xil tilda 104 ta davlat oshxonasidan 160 000 ta retsept mavjud.

Yangilikning asosiy elementi - bu sun’iy intellekt texnologiyalaridan foydalanish bo‘lib, u keng assortimentdagi maishiy texnikalarni birlashtirish va ulardan oqilona foydalanish imkonini beradi. Sun’iy intellekt muzlatgich tarkibini boshqarishi, xaridlar uchun rejalar tuzishi, turli xil parhezlar uchun taom tayyorlashi va shaxsiy so‘rovlar uchun retseptlarni yangilashi mumkin bo‘ladi.

Kelgusi yilda ilova foydalanuvchilarga aniqroq maslahatlar berish maqsadida videokamera orqali mahsulot va idish-tovoqlarni tanib olish funksiyasiga ega bo‘ladi. Samsung Health platformasi bilan sinxronlash funksiyasi ham foydalanuvchining ovqatlanishi va sog‘lig‘ini tahlil qilish uchun qo‘shiladi. Ehtimol, ilova to‘lov tizimlari bilan birlashtirilib, oziq-ovqat mahsulotlarini mustaqil ravishda xarid qilish imkoniyatiga ega bo‘ladi.