Smartfonga virus tushganligini ko‘rsatishi mumkin bo‘lgan aniq belgilar mavjud. Bu haqda The Sun nashri xabar bermoqda.

Mutaxassislarning fikriga ko‘ra, ko‘pincha fon tartibida telefonga buzib kiriladi, shu bois tajovuzkorlarning qurilmaga kirishi foydalanuvchi uchun sezilmasligi mumkin. Mualliflar qurilmada zararli dastur o‘rnatilganligini ko‘rsatishi mumkin bo‘lgan belgilarni ma’lum qilishdi. Birinchi belgilardan biri qurilmaning ishlash quvvati pasayishi hisoblanadi. Bundan tashqari, virus fon tartibida ishlayotgan bo‘lsa, qurilma odatdagidan tezroq quvvatsizlanadi.

Firibgarlikka oid dasturiy ta’minot odatda ma’lumotlarni uchinchi tomon serveriga yuborganligi sababli, telefon tarmoqqa yuklaydigan ma’lumotlarning umumiy miqdori oshishi kerak. Virus yuqishining belgilaridan biri brauzerda qalqib chiquvchi oynalar paydo bo‘lishi mumkin, ular odatda tizim tomonidan bloklanadi.

«Bu qandaydir makkor reklama virusi yuqtirganingizni anglatadi», – deb izohlaydi ekspertlar. Xavfli dasturiy ta’minot o‘rnatilgan qurilma fon ishi tufayli ko‘pincha qizib ketadi.

Agar bir yoki bir nechta xakerlik belgilari aniqlansa, jurnalistlar qurilmaga bepul antivirus o‘rnatish va uni skanerdan o‘tkazishni tavsiya qilishgan. So‘ngra mualliflar ma’lumotlarning zaxira nusxasini yaratish va smartfonni qayta tiklashni maslahat berishdi.