Японлар электромагнит шовқинни токка айлантиришди
Sony электромагнит шовқинни энергияга айлантириб берувчи компакт модулни тақдим қилди. Ушбу технология нарсалар интернети (IoT)да қўлланилиши мумкин.
Электромагнит шовқин — турли электрон қурилмалардан тараладиган электромагнит тўлқинлар. Одатда бу шовқин фойдасиз ҳисобланади. Бироқ японлар уни фойдали қилишни уддалашган кўринади.
Модул нарсалар интернетида ишлатиладиган қурилмаларнинг металл қисмларидан антенна сифатида фойдаланади, антенна бир неча герцдан 100 МГц.гача диапазондаги электромагнит тўлқинларини тутади. Сўнгра модул бу тўлқинларни кейинчалик IoT-қурилмаларни қувватлантиришда ишлатиш мумкин бўлган доимий токка айлантириб беради. Ҳеч қандай розетка ёки батареяр керакмас. Жуда қулай ва фойдали қурилма, шундай эмасми?!
Технология ҳозирча ишланиш босқичида, Sony унинг асосида маҳсулотлар ишлаб чиқариш учун турли соҳалардаги компаниялар билан ҳамкорлик қилишни режалаштирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter