Windows 10/11 фотоларни ишловчи фойдали СИ-воситага эга бўлди
Microsoft компанияси тасвирларни кўриш ва таҳрирлашга мўлжалланган “Фотография” (Photos) иловасининг имкониятларини кенгайтирди.
Асосий киритилган янгилик Spot Fix Tool воситаси бўлди — у суратларни бегона объектлардан “тозалаш”да сунъий интеллектдан фойдаланади.
Лойиҳа муаллифларига кўра, Generative Erase деб номланган янги функция фотосуратлардаги кераксиз объектларни юқори аниқликда ва изсиз йўқота олади. Фондаги ва олд пландаги исталган катталикдаги объектни йўқ қилишга кучи етади.
Тегишли иконка “Тасвирни таҳрирлаш” («Редактировать изображение») бўлимида “Ўчириш” («Стереть») тугмаси остида жойлашган. Уни танлаб, мўйқалам ўчирилиши лозим бўлган объектлар ёки соҳалар бўйлаб югуртирилади, натижаси бир неча сония ичида кўринади. Янада аниқлик учун мўйқалам ўлчамини ўзгартириш ёки бир нечта объектни бир пайтда ўчиришда ниқоблар (маскалар)ни қўшиш ёки ўчиришда автоматик қўллашни ўчириш тавсия қилинади.
Generative Erase функцияси ҳозир Windows Insider дастури доирасида синовдан ўтказиляпти.
Компания таъкидлашича, Photos иловасида яқинда ишга туширилган фонни хиралаштириш, ўчириш ва алмаштириш ҳамда Generative Erase каби барча сунъий интеллектли таҳрирлаш функциялари Arm64 процессорлари ўрнатилган ва Windows 10 бошқарувидаги қурилмалар учун ҳам ишлайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter