Polaroid автофокусли тезкор камера тақдим этди
Polaroid компанияси I-2 деб номланган янги тезкор камера тақдим этди. Ишлаб чиқарувчи ушбу қурилма Polaroid тарихидаги энг ўткир оптикага эга эканлиги билан мақтанмоқда.
Янги маҳсулот қўлда бошқарув элементлари билан жиҳозланган бўлиб, бу фотографга диафрагмани созлаш ва суратга олиш режимини танлаш имконини беради.
Фотоаппаратнинг асосий афзалликларидан бири автоматик фокусли учта оптик элементдан иборат линзадир. Чунки энди тунда ҳам сифатли суратга эришиш мумкин.
Камера кичик экран, Bluetooth ва масофадан бошқариш учун хусусий дастур билан жиҳозланган. Янги маҳсулотнинг нархи 600 долларни, бир зумда чиқариб бериладиган суратнинг нархи эса тахминан 2 долларни ташкил қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter