JanAI жамоаси катта тил моделларини маҳаллий даражада ишлатиш имконини берувчи лойиҳага қўл урди. Jan иловаси macOS, Windows, Linux учун мавжуд бўлиб, мобил версияси келажакда чиқарилиши режалаштирилган.

Janни ChatGPTга тўлиқ муқобил деб ҳисоблаш мумкин. Илова катта, очиқ манбали тил моделларини маҳаллий сифатида ишлатиш имконини беради. Ўрнатилган моделлар дўконида керакли нарсаларни танлашингиз ва уларни ўрнатишингиз мумкин. Моделлар нейрон тармоғида ишлайдиган масофавий серверга уланади.

Илова суҳбатлар тарихини сақлайди ва уларни бошқариш имконини беради. Масалан, ҳар бир чатга ном берса ёки бир нечта суҳбатни битта жилдга бирлаштирса бўлади.

Jan Desktop илова коди ҳам очиқ, шунинг учун учинчи томон ишлаб чиқувчилари унга ўзгартиришлар киритишлари ёки лойиҳани ишлаб чиқишда иштирок этишлари мумкин. Масалан, асосий интерфейсни компаниянинг дизайн кодига мос равишда ўзгартириб, йирик тил моделлари билан ишлаш учун корпоратив дастурни лойиҳалаштиришингиз мумкин