Геймпад орқали бошқариладиган электромобил
Sony компанияси CES кўргазмасида Honda корпорацияси билан ҳамкорликда яратилаётган AFEELA номли электромобилни тақдим этди. У PlayStation 5 га тегишли DualSense контроллери ёрдамида бошқарилди.
AFEELA ўрнатилган автопилотга эга бўлиб, уни 45 та сенсор, камера ва лидар қўллаб-қувватлайди. Электрокарнинг олд панелида катта дисплей мавжуд бўлиб, салонда, жумладан, орқа ўриндиқлар олдида ҳам қўшимча экранлар жойлашган.
Концепт дастлаб 400 кВт (536 от кучи), 0 дан 100 км/соат тезликка 4,8 сонияда ва 240 км/соат тезликка эришадиган икки двигателли тўлиқ ғилдиракли узатмага эга бўлиши кутилган эди.
Sony автомобилнинг дастурий таъминот билан белгиланиши уни рақамли ўйин майдончасига айлантиришини ваъда қилмоқда. AFEELA учун буюртмаларни қабул қилиш 2025 йилда бошланади ва уларни ишлаб чиқариш 2026 йилда бошланиши керак. Sony компанияси седан ва кроссовер ишлаб чиқаришни режалаштирмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter