Asus букланадиган OLED-монитор тақдим этди
Asus компанияси портатив ZenScreen Fold OLED-мониторини намойиш этди, уни ўзи билан олиб юриш ёки қулай фойдаланиш учун йиғса бўлади. Компания ҳозирча нарх ва сотувлар бошланиш санасини эълон қилмаган, бироқ мутахассисларнинг фикрича, қурилмани икки минг доллардан кам бўлмаган нархда харид қилиш мумкин.
Экранининг диагонали очилганда 17,3 дюйм ва ўлчамлари 2560х1920 пикселни ташкил қилади. Бундай ҳолда дисплейни 1920х1280 пикселли иккита 12,5 дюймли мониторга бўлиш мумкин. Букланиш жойида ҳеч қандай из қолдирмайди.
Мониторда иккита USB-C порти, битта Mini HDMI, динамиклар, қулоқчин порти ва стенд ўрнатиш мосламаси мавжуд. Унинг ёрдами билан қурилма горизонтал ва вертикал ҳолатда ўрнатилиши мумкин. Бундан ташқари, корпуснинг орқа томонида букланадиган тиргак мавжуд. Қурилма очилганида қалинлиги 9,7 миллиметр, дисплей эса 1,17 килограммни ташкил қилади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter