Торонто университети олимлари барқарор энергия соҳасидаги ишланмаларни тезлаштириш учун сунъий интеллектдан (СИ) фойдаланишди. Саскачеван университетида Канада ёруғлик манбаи (CLS) (Синхротрон ёруғлик манбаи) дан фойдаланиб, улар СИ томонидан таклиф қилинган янги катализатор рецепти водород ёқилғисини ишлаб чиқариш самарадорлигини сезиларли даражада оширишини тасдиқладилар.

Яшил водородни яратиш жуда кўп электр энергияси ва нодир металларни талаб қилади, бу жараён қимматга тушади. Олимлар гуруҳи томонидан ишлаб чиқилган сунъий интеллект дастури 36 мингдан ортиқ металл оксидларининг комбинациясини таҳлил қилди ва энг мос қотишмани танлади. Лаборатория синовлари шуни кўрсатдики, рутений, хром ва титандан тайёрланган катализатор анъанавий материалларга нисбатан 20 баравар мустаҳкамроқ ва бардошлидир.

Гарчи материал қўшимча синовларга муҳтож бўлса-да, бу кашфиёт СИнинг яшил энергияни оммага янада қулайроқ қилишига имкон берадиган катализаторларни ишлаб чиқишни тезлаштиришда улкан салоҳиятини намойиш этади.