Психолог мижозлари қаторига крипто-қарамлар қўшилди
Алкоголизм, наркомания каби руҳий қарамликлар қаторига криптовалютага муккасидан кетиш ҳам қўшилди. Реабилитацион марказларга мазкур янги касалликка чалинганлар мурожаат қилмоқда.
Айтишларича, аслида бу янги касаллик ҳам эмас. Ўйинларга қарамлик азалдан мавжуд бўлган. Крипто-қарамликни унинг давоми дейиш мумкин. Чунки криптовалюта ишқибозлари буни ўйиндек қабул қиладилар. Асоратлари эса даволаниши шарт.
Криптовалюта “жинни”ларининг аксариятини 30 ёшдан ошганлар ташкил этади. Улар курснинг ўйнашидан адреналин қабул қиладилар ва тобора бу жараёнга ипсиз боғланиб қоладилар.
Психологга беморларни асосан яқинлари етаклаб келмоқда. Аммо, мутахассисларнинг фикрича, ўзи муаммони англаган ҳолда бу йўлдан қайтиш қарорига келган инсонлар тезроқ тузаладилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter