Creative Data Studios  Microsoft Word учун Ghostwriter ChatGPT деб номланган плагинни ишлаб чиқди, у матн муҳарририга чатбот функцияларини қўшади. Янгилик Microsoft иштирокисиз яратилган.

Ҳозирда плагиннинг иккита версияси мавжуд: $10 ва $25. Биринчиси иккита параграфнинг қисқа жавоблари билан чекланган ва фақат ChatGPT тил моделидан фойдаланади. Кейинчалик ривожлангани эса бундай чекловларга эга эмас, у барча OpenAI моделларидан фойдаланади. Плагинни Office Add-in Stor орқали ўрнатишингиз мумкин.

Бундан ташқари, ишлаб чиқувчилар Microsoft пакетидаги барча иловалар учун ўхшаш плагинларни тез орада чиқаришга ваъда қилмоқдалар: Excel, PowerPoint, Outlook, OneNote. Қўшимчалар тўплами чиқарилгандан сўнг, Word учун плагинни аллақачон сотиб олган фойдаланувчилар чегирмага эга бўлишади.

Ghostwriter’ни ишлаб чиққан Патрик Хустингнинг сўзларига кўра, Microsoft келажакда ChatGPT’ни қўллаб-қувватлашга тайёр бўлганда Ghostwriter’ни ўчириб қўйиши мумкин. Бироқ, ҳозирча бу вариантни ҳам ишлатиш мумкин.