Литий арзонлаб кетди — смартфонлар ва электромобилларнинг нархлари тушиши мумкинми?
Электрон қурилмаларнинг батареялари учун асосий хом ашё — литийнинг жаҳон нархлари пасайишдан тўхтамаяпти ва ҳозир йил бошидаги нархига нисбатан 75 фоизни ташкил этмоқда. Хўш, бунинг натижасида мобил қурилмалар ва электромобилларнинг нархлари пасайиши мумкинми?
Bloomberg нашри Benchmark Mineral Intelligence агентлиги ҳисоботига асосланиб ёзишича, литий қийматини йил бошига нисбатан сезиларли йўқотди ва ҳамон арзонлашмоқда. Бироқ етакчи электроника компанияларининг литийга талаби ҳам ошмоқда.
Агарда тенденция сақланиб турса, мобил қурилмалар ва электромобилларнинг нархлари пасайишига умид қилса бўлади. Фақат лекини бор. Нархлар катта эҳтимол билан Хитойда пасайиши мумкин. Хитойда литий карбонати 23 ноябр куни 2,3 фоизга, ноябр давомида эса 20 фоиз арзонлашган.
Хитой — литийни ишлаб чиқарувчи етакчи мамлакат, агар чинликлар АҚШга жавоб санкцияларини ушбу соҳада ҳам қўллашса, мобил қурилмалар арзонлашишини кутмасак ҳам бўлаверади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter